Milli Basketbol Assosasiyası 2023/24 mövsümü üçün rəmzi komandaların tərkiblərini açıqlayıb.
Bu il beşliklər basketbolçuların mövqeləri nəzərə alınmadan formalaşdırılıb.
Əsas birinci komandaya “Miluoki”nin hücumçusu Yannis Antetokumpo, “Dallas”ın müdafiəçisi Luka Donçiç, “Oklahoma”nın müdafiəçisi Şey Gilgs-Aleksander, “Denver”in mərkəz oyunçusu Nikola Yokiç və “Boston”un hücumçusu Ceyson Teytum daxil ediliblər.
İkinci komandada “Nyu-York”dan Jeylen Branson, “Leykers”in mərkəz basketbolçusu Entoni Devis, “Finiks”in hücumçusu Kevin Durant, “Minnesota”nın müdafiəçisi Entoni Edvards və “Klippers”in hücumçusu Kavay Leonard yer alıblar.
Üçüncü beşliyə isə “Finiks”in müdafiəçisi Devin Buker, “Qolden Steyt Vorriors”un müdafiəçisi Stiven Karri, “İndiana Peysers”in müdafiəçisi Tayrez Halibörton, “Leykers”in hücumçusu Lebron Ceyms və “Sakramento”nun mərkəz basketbolçusu Domantas Sabonis daxil ediliblər.
Ən çox xal Nikola Yokic və Şey Gilgs-Aleksanderə verilib. Lebron James 20-ci dəfə rəmzi komandada olub. Kevin Durant 11-ci, Stiven Karri isə 10-cu dəfə seçilənlər siyahlsına düşüb.