“Red Bull” komandasının sürücüsü Maks Ferstappen pərəstişkarlarının şərəfinə hazırlanmış xüsusi dəbilqəni təqdim edib. Dəbilqə narıncı rəngdədir və tribunaların şəkillərini ehtiva edir.
“Əlbəttə, bu dəbilqə mənim üçün çox şey deməkdir. Avropada məni dəstəkləyən çoxlu azarkeşin olduğu və narıncı rəngə boyanan bəzi xüsusi yarışlar var. Mən orada belə dəbilqə ilə yarışacağam. Bu məni dəstəkləyən bütün azarkeşlərin şərəfinədir”, – deyə üçqat Formula 1 çempionu bildirib.
Maks dəbilqədən ilk dəfə iyunun 21-dən 23-dək davam edəcək İspaniya qran-prisində istifadə edəcək, daha sonra onu Avstriya, Belçika, İtaliya və Niderlandda geyinəcək.