Qadınlar arasında dünyanın 10 nömrəli tennisçisi, “Böyük dəbilqə” seriyalı turnirin qalibi Ons Jaber Olimpiadada oynamayacağını açıqlayıb.
“Olimpiya oyunlarında iştirakla bağlı həkim heyəti ilə məsləhətləşmədən sonra qərara gəldik ki, kort örtüyünün kəskin dəyişməsi və bədənin buna lazımi şəkildə uyğunlaşmaması dizimdəki zədəni riskə atacaq. Belə olduqda mövsümün qalan hissəsini təhlükə altına atmış oluruq. Təəssüf ki, Parisdəki yarışlarda iştirak edə bilməyəcəm.
İstənilən turnirdə ölkəmi təmsil etməkdən həmişə həzz almışam, amma bədənimə qulaq asmalı və həkimlərin tövsiyələrinə əməl etməliyəm. Komanda yoldaşlarıma Olimpiadada uğurlar arzulayıram. Mən onların ən sadiq azarkeşi olacağam”, – deyə tunisli tennisçi sosial şəbəkə hesabında yazıb.
Olimpiya tennis turniri iyulun 27-dən avqustun 4-dək keçiriləcək.