“Qarşılaşmanın final fitinə qədər təslim olmadıq və mübarizə apardıq”. Bunu Serbiya millisinin baş məşqçisi Draqan Stoykoviç Sloveniyaya qarşı AVRO-2024-ün qrup mərhələsinin II turunun oyunundan sonra mətbuat konfransında deyib.
59 yaşlı mütəxəssis məğlub olmaq istəmədiklərini söyləyib: “Qol imkanlarımız çox idi. Sloveniyaya məğlub olmaq istəmirdik və bu inadkarlığımız son dəqiqədə bəhrə verdi. Luka Yoviç heyrətamiz futbolçudur. Onun performansından çox razıyam”.
Qeyd edək ki, Almaniyada təşkil olunan AVRO-2024-ün C qrupunun matçında Serbiya Sloveniya yığması ilə heç-heçə edib – 1:1. Komandanın hazırda bir xalı var.