“Neftçi”nin sabiq baş məşqçisi: “Avropa çempionatında futbolun səviyyəsinin aşağı düşməsimnin səbəbi oyunçuların qızlarla maraqlanmamalıdır”.
“Neftçi”nin keçmiş baş məşqçisi, Monteneqrodan olan Miodraq Bojoviç futbolun səviyyəsinin aşağı düşməsinin səbəbini izah edib.
“Avropa çempionatından görmək olar ki, dünya futbolunun səviyyəsi bir qədər aşağı düşüb. Xüsusilə də gənc nəsil haqqında bunu söyləmək olar. Əvvəllər uşaqlar həyətdə oynayırdılar. Futbolçuların hamısı orada oynamağa başlayıb. İndi isə nadir hallarda kimsə həyətdə futbol oynayır. İnsanlar daha az hərəkət edir və məşq edirlər. Onların futbola maraqları getdikcə azalır.
Müasir dövrdə futbolçuların qadınlara marağı da azdır. Əvvəllər futbol oynasaydın, bir az da gözəl qızlara baxıb arxasınca qaçardın. Bu, yaxşı şeydir. İndi isə qızlarla maraqlanmırlar. Bundan sonra daha da betər olacaq. Gözəl qızlar bəyənilməlidir! Gənclər isə indi telefonlarında, sosial şəbəkələrdə günlərini keçirir. Onları heç nə maraqlandırmır”, – deyə Bojoviç bildirib.