Milli Xokkey Liqasının (NHL) müntəzəm çempionatında komandasının uğurunda ən böyük əməyi olan hokkeyçiyə verilən mükafatın – “Hart Memorial Trophy”nin qalibi müəyyənləşib. Bu mükafata “Colorado Avalanche” komandasının forvardı Natan MakKinnon layiq görülüb.
Ondan başqa mükafata səsvermənin nəticələrinə görə ikinci olan rusiyalı hücumçu Nikita Kuçerov (Tampa Bay Lightning) iddialı olub. Konnor MakDevid (Edmonton Oilers) üçüncü, Oston Metyus (Toronto Maple Leafs) dördüncü, Artyomiy Panarin (Nyu York Reyncers) isə beşinci yeri tutub.
Xatırladaq ki, Kuçerov ötən mövsüm 144 (44+100) xal toplayaraq NHL-in bombardiri olub.