Amerika Kubokunda qrup mərhələsinə yekun vurulub. D qrupunda dünən baş tutan görüşlərdən sonra sonuncu 1/4 finalçılar müəyyənləşib.
Günən əsas oyununda Braziliya Kolumbiyanı məğlub edə bilməyib. Bu səbəbdən liderliyi rəqibə bağışlayan “sambaçılar” qrup ikincisi olub. Son qələbə ilə xalını 4-ə çatdıran Kosta Rikanın yeganə uğuru isə xalsız Paraqvayı üstələməkdir.
Braziliya – Kolumbiya 1:1
Qollar: Rafinya, 12 – D.Munyos, 45+2.
Kosta Rika – Paraqvay 2:1
Qollar: F.Kalvo, 3. J.Alkoser, 7 – R.Sosa, 55.
Xal durumu: Kolumbiya – 7, Brazilya – 5, Kosta Rika – 4, Paraqvay – 0.
Beləliklə, Amerika Kubokunda bütün 1/4 final cütlükləri müəyyənləşib.
Argentina – Ekvador
Venesuela – Kanada
Uruqvay – Braziliya
Kolumbiya – Panama
Turnirin yarımfinalında 1/4 finalın birinci və ikinci cütlüyünün qalibləri, həmçinin üçüncü və dördüncü cütlüklərin qalibləri üz-üzə gələcək.