“Səbail”dən yeni əməkdaşlıq müqaviləsi

ASCO şirkətinin sponsorluğundan imtina etdiyi “Səbail” yeni əməkdaşlıq müqaviləsi imzalayıb.
Futbolinfo.az klubun mətbuat xidmətinə istinadən xəbər verir ki, “dənizçilər” “Məlhəm Beynəlxalq Hospital”la saziş bağlayıb.
Tədbir bu gün “ASCO Arena”da təşkil olunub. İmzalanma mərasimində klubun və hospitalın əməkdaşları iştirak ediblər. Müqaviləni “Səbail”in icraçı direktoru Firuz Qarayev və “Məlhəm Beynəlxalq Hospital”ın icraçı direktoru Sevda Əlizadə imzalayıblar.
Müqavilənin müddəalarına əsasən, “Məlhəm Beynəlxalq Hospital” 2024-2025 mövsümündə kluba tibbi xidmət göstərəcək.