Azərbaycan millisinin futbolçusu Mahir Emreli Xorvatiyanın “Dinamo” klubundan ayrılmağa yaxındır. Zaqreb təmsilçisi yeni mövsümə hazırlıq üçün 27 yaşlı hücumçunu Avstriyadakı təlim-məşq toplanışına aparmayacaq (Report).
Emreli ilə yanaşı, Moreno Jivkoviç və Qabriel Rukavinanın da hazırlıq prosesində iştirakı gözlənilmir.
Qeyd edək ki, 2022-ci ildən “Dinamo”da çıxış edən Mahir Emreli komanda ilə iki dəfə Xorvatiya çempionu olub. Onun hazırkı sözləşməsinin müddəti 2026-cı ilin yayında başa çatacaq. Futbolçunun klubu ilə yollarını ayıracağı gözlənilir.
Mahir hazırda Türkiyə klublarından birinə keçmək variantını gözdən keçirir. Onunla maraqlananları qarşısındakı əsas maneə Zaqreb təmsilçisinin yüksək transfer haqqı tələbidir.