Yüngül və yarıyüngül çəkidə keçmiş UFC çempionu Konor Makqreqor sosial şəbəkədə son fotolarını paylaşıb. Məşhur irlandiyalı MMA döyüşçüsü necə məşq etdiyini göstərib.
Makqreqor fotoya “Sparrinq” şərhini yazıb.
Xatırladaq ki, bu il iyunun sonunda Makqreqor amerikalı Maykl Çandlerlə döyüşməli idi. Onlar UFC 303-də üz-üzə gəlməli idilər. Lakin qarşıdurmaya hazırlaşarkən irlandiyalının ayağının sınması səbəbindən döyüş ləğv edilib. Konor son döyüşünü 10 iyul 2021-ci ildə keçirib. Həmin görüşdə ayağını sındırdıqdan sonra yarışmayıb. Konorun hazırda 35 yaşı var.
