“Boston Seltiks”in müdafiəçisi Derrik Vayt ABŞ millisində “Los Anceles Klippers”in lideri Kavay Leonardı əvəz edəcək. Bu barədə ESPN-nin jurnalisti Mark Spirs sosial şəbəkədəki səhifəsində məlumat verib.
Olimpiya Oyunları çərçivəsində basketbol turniri iyulun 27-dən avqustun 10-dək keçiriləcək. ABŞ yığması Cənubi Sudan, Serbiya və Puerto-Riko milliləri ilə eyni qrupda oynayacaq.
Amerikalılar Tokioda keçirilən son Olimpiadada fransızlara qalib gələrək çempion olmuşdular.