“Finiks Sans”ın və ABŞ millisinin hücumçusu Kevin Dürant “Logan Paul’s Impaulsive” podkastında məşhur bloger Darren Ceyson Votkins Jr. ilə çıxışı zamanı qadınlarla münasibətindən danışıb.
Qeyd edək ki, Dürant evli deyil. Hazırda onun 35 yaşı var.
“Mənə qadınlarla bağlı nəsihət verməyi və bu mövzuda məsləhətə ehtiyacım varmış kimi danışmağı dayandırın. Mən onlarla vaxt keçirməkdən zövq alıram.
Sadəcə, başqalarının düşündüyü kimi deyiləm. Sənin 16 yaşın var. Özünü mənimlə müqayisə etmə. Odur ki, xahiş edirəm, məni özünüzlə eyni kateqoriyaya salmayın”, – deyə basketbolçu əsəbi şəkildə qadınlarla bağlı mövzu zamanı bildirib.