“Uimbldon” turnirində kişilərin mübarizəsində daha iki yarımfinalçı məlum olub. Keçən il finalda oynayan Novak Cokoviç korta çıxmamış yarımfinala yüksəlib. Onun rəqibi Aleks De Minor zədə səbəbilə oynamaqdan imtina edib.
Digər 1/4 final qarşılaşmasında Muzetti (25) dünyanın 12-ci raketkası amerikalı Teylor Fritsi (13) 3:6, 7:6 (7:5), 6:2, 3:6, 6:1 hesabı ilə məğlub edib.
Muzettinin Fritslə görüşü 3 saat 31 dəqiqə davam edib. Onun yarımfinalda rəqibi Cokoviç olacaq.
Xatırladaq ki, digər yarımfinalda Alkarasla Medvedev qarşılaşacaq. Yarımfinal görüşləri cümə günü keçiriləcək.