Bu gün Misli Premyer Liqasında 2024/2025 mövsümünün püşkatma mərasimi keçiriləcək.
Futbolinfo.az xəbər verir ki, AFFA-nın inzibati binasında təşkil olunan tədbir saat 15:00-da başlayacaq. 33-cü Azərbaycan çempionatının 10 iştirakçısı mövsümün startında üz-üzə gələcəyi rəqibini biləcək.
Mərasimdə Misli Premyer Liqasının iştirakçıları “Qarabağ”, “Zirə”, “Sabah”, “Sumqayıt”, “Neftçi”, “Turan Tovuz”, “Səbail”, “Araz-Naxçıvan”, “Kəpəz” və “Şamaxı” klublarının nümayəndələri iştirak edəcək.
Qeyd edək ki, Misli Premyer Liqasında yeni mövsümə avqustun 2-də start veriləcək.