“Turan Tovuz”da daha bir məşqçi işə başlayır. Kurban Berdıyev özünə yeni köməkçi götürüb.
Futbolinfo.az xəbər verir ki, təcrübəli mütəxəssis “Cəbrayıl”dan ayrılaraq keçmiş klubuna məşqçi kimi qayıdan Cavid Hüseynovla kifayətlənməyib. Berdıyev “Rubin”də baş məşqçi olarkən komandaya transfer etdiyi sabiq müdafiəçi Ruslan Abışovun yeni işdə debüt etməsinə şərait yaradıb.
Abışov artıq komandaya qoşulub. Onun təyinatının tezliklə rəsmən açıqlanması gözlənilir. 2013-15-ci illərdə Kazan klubuna məxsus olmuş Abışov sonuncu dəfə “Zirə” forması geyib.