16-cı dünya çempionu norveçli Maqnus Karlsen sürətli şahmat üzrə onlayn çempionatda iştirak edəcək. Bu barədə turnirin mətbuat xidməti məlumat yayıb.
Mükafat fondu 175 min dollar olan yarışda amerikalı qrossmeysterlər Hikaru Nakamura, Hans Niemann və Fabiano Karuana da iştirak edəcək. Turnirdə iştirakdan imtina edən hazırkı dünya çempionu Dinq Lirenin yerinə hindistanlı Arjun Erigaisi çıxış edəcək. Digər iştirakçı isə rusiyalı Yan Nepomnyaşiy olacaq.
Sürətli Şahmat Çempionatı 2016-cı ildən Chess.com platformasında keçirilən illik onlayn şahmat turniridir. Burada dünyanın ən güclü şahmatçıları iştirak edir.
Bu il turnir iyulun 25-dən sentyabrın 9-dək keçiriləcək. Turnirin hazırkı qalibi Maqnus Karlsendir.