“Mançester Yunayted” çoxdan planladığı transferi reallaşdırıb. “Qırmızı şeytanlar” müdafiənin mərkəzi üçün yeni futbolçu alıb.
Futbolinfo.az xəbər verir ki, İngiltərə nəhəngi “Lill”dən 18 yaşlı müdafiəçi Leni Yoronu transfer edib. Bu barədə klubun mətbuat xidməti məlumat yayıb. Müdafiəçi ilə 5+1 illik müqavilə imzalanıb.
“Mançester Yunayted” Yoro üçün 62 milyon avro və bonuslar ödəyəcək. Məhz maliyyə amili həlledici olub. Futbolçunu “Real” da istəyirdi, lakin madridlilər mançesterlilərin xərclədiyini ödəməkdən imtina edib və Fransa təmsilçisi ən yaxşı variantı seçib.
