“Vest Hem” yeni transferə hazırlaşır. London klubu Jan-Kler Todibonu heyətinə qatacaq.
Futbolinfo.az xəbər verir ki, “Nitsa”nın 3 il öncə “Barselona”dan 8,5 milyon avroya transfer etdiyi stoper daha iddialı klubda oynamaq istəyir. Bu səbəbdən İngiltərə klubunun təklifi göydəndüşmədir.
Amma Todibo onunla maraqlanan “Yuventus”un qərarını gözləyir. Turinlilər planlaşdırdığı oyunçu satışlarını reallaşdırıb lazımi maliyyəni təmin etsə, müdafiəçini sıralarına qatacaq. Əks halda, Jan-Kler ingilislərə qismət olacaq.
24 yaşlı oyunçunun transfer dəyəri 35 milyon avroya qalxıb. Onun “Nitsa” ilə daha 3 illik müqaviləsi var.