Parisdə keçirilən Olimpiya Oyunlarında medal qazanan idmançılara olimpiya maskotu Friqinin oyuncağı da hədiyyə ediləcək. Bu barədə Fransanın “Le Parisien” nəşri məlumat yayıb.
Oyuncağın başında qızıl, gümüş və ya bürünc medal, arxa tərəfində isə “bravo” sözü olacaq. Çempionlar həmçinin Olimpiya Oyunlarının rəsmi plakatı ilə təltif ediləcəklər.
Xatırladaq ki, qalib gələn idmançılara kiçik suvenirlərin hədiyyə edilməsi artıq ənənə halını alıb.