Çempionlar Liqası və Konfrans Liqasında II təsnifat mərhələsi çərçivəsində növbəti oyunlar keçirilib.
Futbolinfo.az saytı xəbər verir ki, baş tutan matçların ardından UEFA reytinqi açıqlanıb.
Azərbaycan klubları dünən avrokuboklarda meydana çıxmadığından, ölkəmizin xalında və reytinqində dəyişiklik olmayıb. Azərbaycan cari mövsüm 0,500 əmsal, son 5 mövsümdə isə 17,250 əmsalla 25-ci pillədə qərarlaşır. Bir addım irəlidə olan Slovakiyadan cəmi bir qələbə, yəni 0,250 xal geri qalırıq.
Dünən keçirilən qarşılaşmalardan sonra Norveç, Danimarka, Macarıstan, İsveç, Kosovo, Latviya, Şimali Makedoniya və Monteneqro irəliləyiblər. Əvəzində Avstriya, İsveçrə, Rusiya, Rumıniya, İrlandiya, Farer adaları, Finlandiya, İslandiya, Gürcüstan və Uelsdə geriləmə müşahidə edilib.
Qeyd edək ki, UEFA reytinqinə 89,160 əmsalla İngiltərə başçılıq edir.