Azərbaycan milli komandasının futbolçusu Özancan Kökçü özünə yeni klub tapıb. Futbolinfo.az xəbər verir ki, o, Finlandiya təmsilçisi HİK-ə keçib.
Bu barədə futbolçunun atası Halis-Sibel Kökcü feysbuk hesabında paylaşım edib. Kökcü Skandinaviya ölkəsinin klubu ilə 2,5 illik sözləşməyə qol çəkib.
Qeyd edək ki, Ozan ötən mövsüm Niderlandda, “Eyndhoven”in heyətində 12 qol vurub, 4 məhsuldar ötürmə ilə yadda qalmışdı. Kökçü daha əvvəl “Bursaspor”, “Giresunspor”, “Telstar”, “Velveyk” klublarında oynamışdı.
