Çin triatlonçusu Lin Xinyu 2024-cü il Olimpiadasındakı çıxışından sonra vəziyyəti haqqında danışıb. İdmançı Sena çayında keçirilən yarışın üzgüçülük hissəsi ilə bağlı fikirlərini bölüşüb.
– Senada çimdikdən sonra xəstələnəcəyinizdən narahatsınız?
– Düşünürəm ki, Olimpiadanın təşkilatçıları suyun keyfiyyətinə çox ciddi yanaşıblar, buna görə də hər şey normaldır. Mən yaxşıyam.
– Özünüzü yaxşı hiss edirsiz?
– Bəli, yaxşı (gülür).
– Hər kəs yalnız bundan narahatdır.
– Narahat olmayın! Mən yaxşıyam, ölmürəm (gülür).
Lin Xinyu yarışı 28-ci yerdə başa vurub. Qızıl medalı fransız Kassandra Boqran qazanıb.