“Kəpəz”in yeni transferi Kərim Kouçanın futbolinfo.az saytına müsahibəsi
– Yeni klubunuz və Azərbaycan haqqında təəssüratlarınız necədir?
– Bu təklifi qəbul etdiyim üçün sevincliyəm. Komanda yoldaşlarım, azarkeşlər və bu klubda çalışan hər kəs məni yaxşı qəbul etdi. Burada olmaqdan məmnunam və hər kəsə minnətdaram.
– Bura gəlməmişdən əvvəl Azərbaycan futbolu və liqamız haqqında nəsə bilirdinizmi?
– Düşünürəm ki, Azərbaycan Premyer Liqası çox çətin liqadır. Burada tələblər yaxşıdır və gərgin oyunlar bizi gözləyir.
– Mövsümün başlanğıcına hazırlığınız necədir?
– Mövsümöncəsi ciddi şəkildə məşq edirik və qarşıdan gələn oyunlara hazırlaşırıq.
– İndi “Kəpəz” öz meydanında oynamır, çünki stadionunda təmir gedir. Bu məlumatı bilirsinizmi və sizi çətin mövsümün gözlədiyindən xəbəriniz varmı?
– Bəli, mən bundan xəbərdar idim. Amma diqqətimizi rəqabətə yönəldirik. Bu, çox çətin liqadır, ona görə də ona hazırlaşırıq.
– Azərbaycan liqasının hansı komandalarını tanıyırsınız və daha əvvəl hansısa futbolçu ilə yollarınız kəsişibmi?
– Ancaq “Qarabağ”ın adın eşitmişəm, çünki Avropada uğur qazanır. Bir də onların heyətindəki Abdullah Zubiri tanıyıram. Çünki həmyerlimdir.
– Azarkeşlər sizdən nə gözləsin?
– Bizə inansınlar və əmin olsunlar ki, əlimizdən gələni edəcəyik.
ABBAS