“Liverpul” klubu 2024/25 mövsümü üçün səfər formasını təqdim edib. Səfər forması tünd yaşıl rəngdə hazırlanıb.
Klubun dərc etdiyi press-relizdə bu, “gecə meşəsi və antrasitin rəngi” kimi təsvir edilib. Formada firuzəyi və açıq süd rəngində çalarlar da var. Eyni çalarları şortlarda da görmək mümkündür.
Təqdim olunan yeni formanın dizaynı və arxadakı nömrələr, Liverpul şəhərinin tarixi küçə lövhələrinə istinadən həkk edilib.