“Leypsiq” yarımmüdafiəçi Dani Olmonun transferi ilə bağlı “Barselona”nın yeni təklifini qəbul etməyib.
Məlumata görə, “qırmızı öküzlər” Kataloniya klubunun təklif etdiyi şərtləri qeyri-qənaətbəxş hesab ediblər. “Leypsiq” Olmo üçün ən azı 60 milyon avro istəyir. “Barselona”nın 26 yaşlı futbolçunun transferi üçün 55 milyon avro və bonuslar ödəməyə hazır olması ilə bağlı daha əvvəl dərc olunmuş məlumat isə həqiqətə uyğun deyil.
Ötən mövsüm yarımmüdafiəçi bütün turnirlərdə “Leypsiq”in heyətində 25 matçda 8 qol vurub və 3 məhsuldar ötürmə edib. Olmo Avro 2024-də 6 oyunda 3 qol vurub, 2 məhsuldar ötürmə ilə yadda qalıb.