Bu gün Paris-2024 Yay Olimpiya Oyunlarında daha 29 dəst medal sahibini tapacaq. Bununla da artıq başa çatan proqramların ümumi sayı 144-ə çatacaq.
Azərbaycan millisi 3 yarışda təmsil olunacaq. Olimpiadanın 8-ci günündə avarçəkənimiz Diana Dımçenko çıxışını başa vuracaq. Üzgüçü Məryəm Şeyxəlizadəxangah təsnifat mərhələsində uğur qazana bilsə, yarımfinalda da iştirak edəcək. Basketbolun 3×3 növündə yarışan qadınlardan ibarət millimiz əsas mərhələdə son matçını keçirəcək və uğur qazansa, pley-ində mübarizə aparacaq.
11:30. Akademik avarçəkmə, qadınlar, fərdi, 2000 m
C finalı. Diana Dımçenko
13:00. Üzgüçülük, qadınlar, 50 m, sərbəst
Təsnifat mərhələsi. Məryəm Şeyxəlizadəxangah
19:30. Basketbol 3×3, qadınlar
VII tur. Kanada – Azərbaycan
22:39. Üzgüçülük, qadınlar, 50 m, sərbəst
Yarımfinal
23:30. Basketbol 3×3, qadınlar
Pley-in