“Barselona”nın yarımmüdafiəçisi Oriol Romeu komandanın Annapolisdəki (ABŞ) bazasını tərk edib.
Futbolinfo.az xəbər verir ki, bu barədə qurumun saytı məlumat yayıb.
Oyunçu transfer danışıqları aparmaq üçün belə addım atıb.
32 yaşlı futbolçunun karyerasını “Jirona”da davam etdirməsi gözlənilir. Bu həftəsonu o, tibbi müayinədən keçəcək və müqavilə imzalayacaq.
Romeu 2023-cü ilin iyulunda “Jirona”dan “Barselona”ya keçib. Futbolçu 2023/24 mövsümündə 37 oyun keçirib və 1 qol ötürməsi verib.