Bu gecə Amerika Birləşmiş Ştatlarının Los-Anceles şəhərində “Riyad Season” seriyası çərçivəsində böyük peşəkar boks axşamı baş tutub.
Tədbirin əsas hadisəsi iki çəki dərəcəsində keçmiş mütləq dünya çempionu Terens Krouford (ABŞ) ilə yüngül orta çəkidə WBA titulunun hazırkı sahibi İsrail Madrimov (Özbəkistan) arasında titul döyüşü olub. Döyüş həmçinin WBO titulunun sahibini də müəyyənləşdirib.
Qarşılaşma 12 raund davam edib. Hakimlərin yekdil qərarı ilə qalib gələn Krouford hər iki titula sahib çıxıb.
Qeyd edək ki, İsrail Madrimov üçün bu, peşəkar karyerasında ilk məğlubiyyət olub.