Yulian Alvares “Atletiko”ya keçir. Madridlilər argentinalı hücumçunun transferi üçün “Mançester Siti” ilə razılıq əldə edib.
Futbolinfo.az xəbər verir ki, İspaniya klubunun baş məşqçisi Dieqo Simeone həmyerlisinin keçidini israrla istəyirdi. Hücumçu özü də daim oynaya biləcəyi komanda axtardığından, razılıq əldə edilib. “Şəhərlilər” Alvaresi satmağa qərar verib.
İngiltərə klubu bu keçiddən75 milyon avro qazanacaq. Daha sonra 20 milyon avro bonus da ödənilə bilər.
Xatırladaq ki, hücumçu 2 il öncə “River Pleyt”dən 17 milyon avroya transfer edilmişdi.