Çempionlar Liqasının 3-cü təsnifat mərhələsində “Ludoqorets”lə qarşılaşacaq “Qarabağ”ın oyununda anşlaq olacaq.
Futbolinfo.az klubun mətbuat xidmətinə istinadən xəbər verir ki, bugünkü matça biletlər tükənmək üzrədir.
Belə ki, bu ana qədər satışa çıxarılan biletlərdən 28 mini artıq satılıb. Ancaq bilet satışı hələ də davam edir. Qiymətlər isə müvafiq olaraq 5, 10, 20, 30, 75 və 100 manat təşkil edir. VVIP C və VVIP D sektorlara bilet alaraq, VIP Lounge üstünlüklərindən yararlanmaq istəyən azarkeşlər üçün biletlərin qiyməti 200 manatdır.
Qeyd edək ki, Tofiq Bəhramov adına Respublika stadionunda keçiriləcək görüş saat 20:00-da başlayacaq.