Hansi Flik yarımmüdafiə xəttinə yeni transfer istəmir. “Barselona”nın baş məşqçisi əlindəki heyətin yetərli olduğunu düşünür.
Futbolinfo.az xəbər verir ki, alman mütəxəssis bu barədə ABŞ toplanışı zamanı danışıb: “Hazırlığımız yekunlaşır. Bu gün orta sahədə yeni oyunçuya ehtyacımız yoxdur. Oynayanlar öz yerində, kifayət qədər bacarıqlı zədəli oyunçularımız da var. Onlar qayıtdıqdan sonra daha güclü olacağıq”.
Amma “Barselona”da vəziyyət dəyişə də bilər. Frenki de Yonqu israrla istəyən “Mançester Yunayted” bu yay ən böyük təklifini göndərmək niyyətindədir. Klublar və getməkdən imtina edən de Yonq razılıq əldə etsə, İspaniya klubu ona əvəzedici axtarmalı olacaq.