“Böyük dəbilqə” seriyalı turnirlərin 22 qat qalibi, ispaniyalı tennisçi Rafael Nadal “US open”də iştirak etməyəcək. Bu barədə tennisçinin özü bəyanat yayıb.
Beləliklə də, o, Rocer Federerin nailiyyətini təkrarlaya bilməyəcək. İsveçrəli tennisçi karyerası ərzində ardıcıl 22 mövsüm (2000-2021) “Böyük dəbilqə” turnirində ən azı bir qələbə qazanıb. Nadalın açıq erada 21 belə mövsümü (2003-2023) var.
Qeyd edək ki, 2024-cü ildə ispaniyalı “Böyük dəbilqə” turnirlərindən yalnız “Rolan Qarros”da iştirak edib. Orada da ispan tennisçi ilk dövrədə Aleksandr Zverevə uduzub.
2024-cü ildə 38 yaşlı Nadal ATP-250 kateqoriyasından olan Bastaddakı turnirin finalına yüksəlib. Həlledici görüşdə o, portuqaliyalı Nuno Borxesə uduzub.