“Ştutqart” heyətini yeni futbolçu ilə gücləndirir. Almaniya klubu “Brayton”dan Deniz Undavı alır.
Futbolinfo.az xəbər verir ki, tərəflər 30 milyon avroya razılıq əldə edib. Futbolçunun Bundesliqada oynamaq istəməsi anlaşmanı asanlaşdırıb.
Türkiyə əsilli almaniyalı 2022-ci ildən İngiltərə klubuna məxsus idi. O, Belçika “Union”undan 7 milyon avroya transfer edilmişdi. Amma Premyer Liqada möhkəmlənə bilməyən 28 yaşlı hücumçu öncə keçmiş klubunda, ötən mövsüm isə “Ştutqart”da icarədə olmuşdu. Almanlar bu dəfə onun birdəfəlik heyətinə qatır.