“Barselona”nın sabiq kapitanı Serxi Roberto “Fiorentina”ya keçə bilər. İtaliya klubu 32 yaşlı futbolçunu azad agent kimi transfer etmək niyyətindədir.
Roberto Kataloniya təmsilçisində keçirdiyi 13 mövsümdən sonra komandadan ayrılıb. O, 7 dəfə La Liqanın, 6 dəfə ölkə kubokunun və 5 dəfə İspaniya Superkubokunun qalibi olub. Bununla yanaşı müdafiəçi “Barselona”nın heyətində 2 dəfə Çempionlar Liqasını, UEFA Superkubokunu və Klublararası Dünya Çempionatını da qazanıb.
Qeyd edək ki, oyunçu “Barselona” forması ilə 373 oyunda 19 qol və 43 məhsuldar ötürmə ilə yadda qalıb.