“Qarabağ”ın şansı az olsa da, düzgün quruluşla qalib gələ bilər”.
Bu sözləri Futbolinfo.az saytına açıqlamasında Azərbaycan Uşaq və Gənclər Futbol Federasiyasının (UGFF) prezidenti Asif Əliyev Ağdam klubunun UEFA Çempionlar Liqasının 3-cü təsnifat mərhələsinin cavab oyunu çərçivəsində səfərdə “Ludoqorets”lə keçirəcəyi oyun barədə danışarkən deyib.
“Çətin oyun olacaq. “Ludoqorets” təcrübəli komandadır. Hər il beynəlxalq turnirlərdə iştirak edir. Həm də Bakıda 2:1 hesabı ilə qalib gəliblər. “Qarabağ”ın şansı az olsa da, düzgün quruluşla qalib gələ bilər. Təəssüf ki, başqa yerdə olduğum üçün matçı canlı izləyə bilməyəcəm. Lakin bizim yerli komandalarımız gəldiyi zaman diaspordan iştirak edirlər. Düzdü, Bolqarıstanda həmyerlimiz azdı, amma əminəm ki, bu gün hər biri stadiona gəlib, “Qarabağ”a dəstək olacaqlar”.
GÜNAY SÜLEYMANOVA