“Hər gün Kaxaber Sxadadzedən yeni şeylər öyrənirəm. Onunla işləmək tamam fərqli bir şeydir”. Bu sözləri futbolinfo.az saytına açıqlamasında “Qəbələ”nin yeni transferi Elvin Yunuszadə söyləyib.
Təcrübəli müdafiəçi “Qəbələ”ni seçməyinin bir neçə səbəbi olduğunu deyib: “Hər kəsə məlumdur ki, çox böyük klubdur. Yenidən elitada oynamaq üçün istəkləri, planları var. Klubun yanaşması, stadionu, şəraitinə görə şansları böyükdür. Ən əsası, klubda Kaxaber Sxadadze kimi bir məşqçi var. Hər gün ondan yeni şeylər öyrənirəm. Düzdü, çox eşitmişdim, amma özüm də şahidi oldum. Hər addımı, nəyi necə etmək lazım olduğunu izah edir. Artıq meydançaya çıxdığın zaman hət addımını bilmiş olursan. Düzdü, fiziki durumu düzəltmək üçün bir az zaman lazımdır, amma taktiki baxımdan çox şeylər öyrənə biləcəyim məşqçidir. Klub rəhbərliyi, məşqçilər heyəti də çox sağ olsun ki, məni komandalarına dəvət etdilər. İnşallah, inamlarını boşa çıxarmayacam”.
Qeyd edək ki, Elvin Yunuszadə ilə 1 illik müqavilə imzalanıb. 32 yaşlı müdafiəçi 2024/25 mövsümündə “qırmızı-qaralar”ın formasını geyinəcək.
GÜNAY SÜLEYMANOVA