Azərbaycanın ötən həftə ilə müqayisədə UEFA reytinqində mövqeyi dəyişməyib. Bu, avrokuboklarda pley-off mərhələsinin ilk oyunlarından sonra baş verib.
Bu həftə “Qarabağ” Çempionlar Liqasında Zaqreb “Dinamo”suna 0:3, “Zirə” isə UEFA Konfrans Liqasında Kiprdə “Omoniya”ya 0:6 hesabıyla uduzub.
Hesabımıza reytinq xalı əlavə olunmadığından 26-cı sırada qalan ölkəmizin əmsalı 18,875-ə bərabərdir. 25-ci pillədəki Kiprin 19,225, 27-ci yerdəki Bolqarıstanın 18,625 əmsalı var. 55 ölkənin yer aldığı reytinq siyahısına İngiltərə (89.303) başçılıq edir.