“Qarabağ” UEFA Çempionlar Liqasının pley-off mərhələsində Zaqreb “Dinamo”suna məğlub olmaqla böyük sərvət qazanmaq imkanını əldən verib.
Futbolinfo.az xəbər verir ki, əvəzində Xorvatiya klubu büdcəsini zənginləşdirəcək.
“Dinamo”nun pul mükafatının bir hissəsi pley-offdakı çıxışla təmin edilib. Bu mərhələdəki iştiraka görə həm xorvatlar, həm də “Qarabağ” 4 milyon 290 min avro alacaq. Ancaq liqa mərhələsinə yüksəlməklə “Dinamo” daha 18,6 milyon avro alacaq. Bundan əlavə, klubun reytinqinə, on illik əmsalına və marketinq payına əsaslanaraq, zaqreblilər ən azı daha 10 milyon avronu təmin ediblər. “Dinamo” Çempionlar Liqasında sonuncu – 36-cı yeri tutsa belə, daha 1 milyon avro qazanacaq.
Beləliklə, Xorvatiya çempionu Çempionlar Liqasından ən azı 34 milyon avroluq gəlir götürəcək. Liqa mərhələsində əldə edilən hər xal isə qazancın üstünə əlavə 700 min avro gətirəcək.