Çempionlar Liqasının pley-off mərhələsində “Qarabağ”ı (3:0, 2:0) üstələyən Xorvatiyanın “Dinamo” klubunun liqa mərhələsindəki rəqibləri müəyyənləşib.
Futbolinfo.az xəbər verir ki, Zaqreb klubunun baş məşqçisi Sergey Yakiroviç yerli mətbuata açıqlamasında püşkatmanı dəyərləndirib. O, “Qarabağ”la keçirilən matçları da xatırlayıb: “Çempionlar Liqasının əsas mərhələsindəyik və artıq rəqiblərimiz bəllidir. Düşünürəm ki, komandanın yarısı əslində nə baş verdiyini hələ tam dərk etmir. Rəqabətin necə getdiyini, hansı səviyyədə olduğumuzu görəcəyik. Konkret neçə xal toplamağımıza deyil, oyunlara tək-tək köklənəcəyik. “Qarabağ”la Bakıdakı cavab görüşündən əvvəl uşaqlara demişdim ki, Çempionlar Liqasının 90 dəqiqəsində nələr çəkdiyimizi xatırlasınlar. Azərbaycan çempionu önündə əziyyət çəkdik və indi bundan həzz alırıq”.
Qeyd edək ki, “Dinamo” Liqa mərhələsində evdə “Borussiya” (Dortmund), “Milan”, “Seltik” və “Monako” ilə, səfərdə isə “Bayern”, “Arsenal”, “Zalsburq” və “Slovan”la qarşılaşacaq.