La liqanın “Barselona” – “Valyadolid” matçında Kataloniya klubunun hücumameyilli yarımmüdafiəçisi Daniel Olmo altıncı qolu vuraraq “Milwaukee Bucks” komandasının müdafiəçisi Damien Lillardın üslubunda bayram edib.
Barmağı biləyə yönəltmək “Dame Time”ın yetişməsi deməkdir (Damienin həlledici atışlarla oyunu ələ keçirmə vaxtıdır).
Xatırladaq ki, Olmo “Barselona”ya 2024-cü ilin avqustunda “Leypsiq”dən keçib. Transfer məbləği 55 milyon avro + bonuslar olub. Futbolçunun klubla müqaviləsi 2030-cu ilin yayına kimi nəzərdə tutulub. Transfermarkt 26 yaşlı yarımmüdafiəçini 60 milyon avro dəyərində qiymətləndirir.
Lillard 2012 NBA Draftında “Portland Trail Blazers” tərəfindən altıncı seçilib. 27 sentyabr 2023-cü ildə Lillard “Milwaukee Bucks”a keçib.