Azərbaycanın UEFA Çempionlar Liqasındakı təmsilçisi, qadınlardan ibarət “Neftçi” komandası bu gün I mərhələ oyununa çıxacaq.
Futbolinfo.az xəbər verir ki, komanda Gürcüstanın Tskaltubo şəhərində təşkil olunacaq görüşdə Avstriyanın “Sankt-Pölten” klubu ilə qarşılaşacaq.
Tskaltubo Texniki Mərkəzin stadionunda keçiriləcək görüş Bakı vaxtı ilə saat 18:00-da başlayacaq. Matçı Xorvatiyadan olan hakimlər briqadası idarə edəcək.
Çempionlar yolunun II qrupu çərçivəsində baş tutacaq oyunun qalibi “Vlajniya” (Albaniya) – “Lançxuti” (Gürcüstan) cütünün qalibi ilə finalda üz-üzə gələcək. Cütlərin məğlubları isə üçüncü yer uğrunda oyunda qarşılaşacaqlar. Həmin oyunlar sentyabrın 7-də keçiriləcək.
UEFA Çempionlar Liqası
I mərhələ, ilk oyun
4 sentyabr
18:00. “Sankt-Pölten” (Avstriya) – “Neftçi” (Azərbaycan)
Baş hakim: Jelena Kumer (Xorvatiya)
Baş hakimin köməkçiləri: Sanja Rodjak-Karšić (Xorvatiya), Francesca Di Monte (İtaliya)
Dördüncü hakim: Maria Marotta (İtaliya)
Tskaltubo Texniki Mərkəzi