“Çelsi” daha bir futbolçusunu icarəyə verir. David Datro Fofana AEK-ə keçir.
Futbolinfo.az xəbər verir ki, yunan klubu onun xidmətindən bir il yararlanacaq. Anlaşmada afinalıların 20 milyon funt-sterlinq ödəyərək Fofanaya birdəfəlik sahib çıxmaq hüququnu təsbit edən bənd var.
Daha öncə “Union Berlin” və “Bernli”də də icarədə olmuş hücumçunun “Çelsi” ilə 2029-cu ilin yayınadək müqaviləsi var. 21 yaşlı kot d ivuarlı Londona ilyarım öncə “Mölde”dən 12 milyon avroya transfer olunub.