Milli Basketbol Assosiasiyasının komissioneri Adam Silver Avropa bazarındakı mümkün inkişaf variantlarını qiymətləndirib. “The Athletic”in məlumatına görə, Beynəlxalq Basketbol Federasiyasının baş katibi Andreas Zaqklis də danışıqlarda iştirak edib.
“Hazırda Avropa ilə bağlı işimiz məsələni araşdırmaqdır. Bundan əlavə hər hansı bir xüsusi planımız yoxdur”, – deyə Silver qeyd edib. Nəzərdən keçirilən variantlardan biri Avropa komandalarının daxil olduğu liqanın yaradılması olub.
Bundan əlavə, Fars körfəzi ölkələrindən investisiyalar cəlb olunacaq. MBA bütün imkanları qiymətləndirmək üçün “The Raine Group” maliyyə şirkəti ilə tərəfdaşlıq edir.