“Brilyant Liqası”nda bu ildən etibarən yeni mükafat təsis edilib. 23 yaşa qədər ən yaxşı idmançılar Cessi Ovens adına “Rising Star” mükafatına layiq görüləcəklər.
Mükafatların ilk qalibləri Belçikanın paytaxtı Brüsseldə təşkil ediləcək son mərhələdə elan olunacaq. Bu barədə “Inside the Games” internet portalı məlumat yayıb.
Amerikalı sprinter və dördqat olimpiya çempionunun şərəfinə verilən mükafat reytinqdə lider olmuş həm kişi, həm də qadın idmançılara təqdim olunacaq. Qaliblər bürünc heykəlciklə yanaşı, “Brilyant Liqası”nın final mərhələsinin keçirildiyi şəhərdə palıd ağacı da əkəcəklər.