Bir ilə yaxındır meydanlarda olmayan “Əl Hilal”ın hücumçusu Neymar Səudiyyə Ərəbistanı klubunun Asiya Çempionlar Liqası üçün iştirak ərizəsinə daxil edilib. 32 yaşlı forvard komandanın 2024/25 mövsümündə AFC Çempionlar Liqasında iştirak edəcək 31 futbolçudan ibarət siyahısında yer alıb.
Neymar 2023-cü ilin oktyabr ayının sonundan bəri zədə səbəbindən matçlarda iştirak etmir. Son məlumata görə, onun meydana qayıtması noyabrda gözlənilir. Braziliya millisinin üzvü məşqlərə başlayıb, sadəcə, tam bərpa olunması və forma yığması üçün bir qədər də zaman lazımdır.
Asiya Çempionlar Liqasının yeni mövsümündə “Əl Hilal” Asiyanın Qərb regionunu təmsil edən daha 11 komanda ilə qarşılaşacaq.