“Real”ın baş məşqçisi Karlo Ançelotti özünə aid rekordu yeniləyib.
Futbolinfo.az xəbər verir ki, italiyalının rəhbərliyi altında Madrid təmsilçisi La Liqanın 5-ci turunda “Real Sosyedad”a qalib gəlib.”Kral klubu” sonuncu dəfə yanvarda Kral Kubokunda “Atletiko”ya uduzub. Ovaxtdan bəri “Real” 32 matçda məğlub olmayıb.
Bu göstərici Karlo Ançelottinin məşqçilik karyerasında ən yaxşı göstəricidir. İtaliyalı mütəxəssisin əvvəlki rekordu 31 oyun olub. Sözügedən rekord “Real”ı (2013/14) çalışdırdığı dönəmdə qeydə alınıb.