İspaniyanın “Jirona” klubunun futbolçusu Kristian Stuani UEFA Çempionlar Liqasının tarixinə düşüb. 37 yaşlı uruqvaylı forvard buna turnirin Liqa mərhələsinin I turunda PSJ ilə matçda iştirak etməklə nail olub.
Görüşə start heyətində başlayan forvard XXI əsrdə qitənin bir nömrəli klub turnirində debüt edən ən yaşlı oyunçu adına sahib çıxıb.
Qeyd edək ki, qarşılaşma Paris təmsilçisinin qələbəsi ilə bitib – 1:0.