Sentyabrın 20-dən 22-dək Almaniyanın paytaxtında keçiriləcək Leyver Kubokunda iştirak edəcək Avropa və dünya komandalarının qrup fotosu dərc edilib. Kubokda dünya və Avropa komandaları bir-birinə qarşı oynayacaqlar.
Avropa komandasına almaniyalı Aleksandr Zverev, rusiyalı Daniil Medvedev, bolqar Qriqor Dimitrov, ispan Karlos Alkaras, norveçli Kasper Ruud və yunanıstanlı Stefanos Tsitsipas daxildir. Komandanın kapitanı isveçli Byorn Borqdur. Borq üçün bu turnir kapitan kimi sonuncu olacaq.
Dünya komandasına amerikalılar Teylor Fritz, Ben Şelton və Frensis Tiafo, çilili Alexandro Tabilo, avstraliyalı Tanasi Kokkinakis və argentinalı Fransisko Çerundolo daxildir. Dünya yığmasının kapitanı Con Makenroydur.