Ekvadorlu velosipedçi Kevin Pozo And dağlarında İmbabura əyalətinin El Xunkal şəhərində məşq edərkən dünyasını dəyişib.
Məlumata görə, 24 yaşlı Pozonu hərəkət edən yük maşını vurub. Pozo Ekvadorun paytaxtı Kitodakı xəstəxanaya aparılsa da, aldığı ağır xəsarətlərdən dünyasını dəyişib. Qəzaya görə məsuliyyət daşıyan şəxs Ekvador polisi tərəfindən tutularaq ilkin dinləmə üçün Bolivar şəhərinə aparılıb.
Ekvador Velosiped İdmanı Federasiyası idmançının vəfatı ilə bağlı başsağlığı verib. Pozo 2021-ci il Vuelta Kolumbiyada qalib olub.