Parisdə tennis üzrə Fransa açıq çempionatının oyunlarının keçirildiyi “Rolan Qarros” idman kompleksinin ərazisində oğurluq baş verib. Bu barədə BFM TV məlumat yayıb.
Mənbənin sözlərinə görə, 20 min avro dəyərində qızıl-zinət əşyaları və 11 min avro nağd pul oğurlanıb. Cinayət sentyabrın 27-dən cümə axşamına keçən gecə törədilib. Naməlum şəxslər hasarın üstündən keçərək kompleksə daxil olublar və orada bir neçə ofisə daxil olublar.
Hadisəni törədənlər hələlik müəyyən edilməyib. Faktla bağlı araşdırma aparılır.